រាជធានិភ្នំពេញ៖ ប្រជា សហគមន៍បឹងកក់ដឹកនំាដោយអ្នកស្រី ទេព វណ្ណី និងអ្នកស្រី យ៉ោម បុបា្ជ បាននាំគ្នាដើរលក់ផ្កានៅមុខសាលារាជធានី និងនៅតាមស្ថានទូតនានា និងតាមវិថីមួយចំនួន ក្នុងរាជធានីភ្នំពេញ ដើម្បីបញ្ជាក់ពីក្តីស្រលាញ់ នៅព្រឹកថ្ងៃសុក្រទី១៤ ខែកុម្ភៈ ។
តំណាងអ្នកភូមិបឹងកក់ បានឲ្យដឹងដែរថា ការដើរលក់ផ្កានេះក្នុងន័យបង្ហាញដល់ប្រជាពលរដ្ឋ សហគមន៏នានា ជាពិសេសជាសារមួយជូនដល់រាជរដ្ឋាភិបាលឲ្យចេះស្រលាញ់ប្រជាពលរដ្ឋខ្មែរ ។
អ្នកនំាពាក្យ សាលារាជធានីភ្នំពេញ លោក ឡុង ឌីម៉ង់ បានមានប្រសាសន៏ថា សកម្មភាពដើរលក់ផ្កាក្នុងន័យខាងលើនេះ គឺខុសច្បាប់ទំាងស្រុង ពីព្រោះពុំបានសុំការអនុញ្ញាតពីសាលារាជធានីភ្នំពេញ ។ លោកបន្តថានៅពេលនេះកម្លាំងសមត្ថកិច្ច កំពុងឃ្លំាមើល សកម្មភាពក្រុមអ្នកភូមិបឹងកក់ទំាងនេះ ហើយថាប្រសិនបើធ្វើឲ្យប៉ះពាល់ដល់សណ្តាប់ធ្នាប់សាធារណៈ កម្លំាងសមត្ថកិច្ចនឹងបំបែកភ្លាម ៕
No comments :
Post a Comment