ក្រុមកំពូលតារាង Premier League តោខៀវ Chelsea នឹងត្រូវធ្វើដំណើរទៅតទល់នឹងក្រុមក្នុងតំបន់ក្បែរបាតតារាង West Bromwich វេលាម៉ោង៣ទៀបភ្លឺយប់នេះ។ តើក្រុមលោក Jose Mourinho អាចបន្តនៅលើគេទៀតបានឬអត់?
កីឡាករក្រុមទាំង២ ប៉ះគ្នាកាលពីខែវិច្ឆិកា នៅទឹកដី Chelsea (ស្មើ ២-២)
ក្នុងការប្រកួតសប្ដាហ៍ទី២៦នេះ ក្រុមម្ចាស់ផ្ទះនឹងត្រូវអវត្តមាន Nicolas Anelka, Stephane Sessegnon និង Jonas Olsson ខណៈខ្សែការពារ Billy Jones ក៏ទំនងជាមិនអាចបង្ហាញខ្លួនបានដែរក្រោយរងរបួសជង្គង់។ ខ្សែប្រយុទ្ធចំណូលថ្មី Thievy Bifouma ទំនងជាជាប់ក្នុងជម្រើសដំបូងរបស់លោក Pepe Mel ក្រោយស៊ុតចូល១គ្រាប់ក្នុងថ្ងៃបង្ហាញខ្លួនដំបូងក្នុងនាមជា កីឡាករបម្រុងកាលពីសប្ដាហ៍មុន។
ចំណែកក្រុមភ្ញៀវ Chelsea វិញ នឹងត្រូវបន្តបាត់មុខខ្សែការពារប្រធានក្រុម John Terry ខណៈខ្សែប្រយុទ្ធ Fernando Torres បានវិលចូលក្រុមវិញហើយក្រោយអវត្តមាន៣សប្ដាហ៍។
No comments :
Post a Comment