អគ្គទេសាភិបាល ធនាគារជាតិនៃកម្ពុជារូបនេះបានបញ្ជាក់ថា ការដែលអត្រាម៉ាក្រូសេដ្ឋកិច្ចជាតិមានកំនើនជាប់ជាប្រចាំនេះដោយសារតែ ធនាគារជាតិនៃកម្ពុជាបានរួមចំនែកបំពេញមុខងារភារកិច្ចរបស់ខ្លួន ក្នុងការរក្សាស្ថេរភាពតំលៃតាមការអនុវត្តគោលនយោបាយរូបិយវត្ថុដោយមាន ភាពទន់ភ្លន់ និងប្រុងប្រយ័ត្នបំផុត។
ជាក់ស្តែងអតិផរណា ត្រូវបានគ្រប់គ្រងឲ្យស្ថិតនៅកម្រិតទាបប្រមាណ៣% និងតម្លៃប្រាក់់រៀលមានស្ថិរភាពល្អប្រសើរ ដោយអត្រាប្តូរប្រាក់រៀលធៀបនឹងដុល្លារ បានប្រែប្រួលបន្តិចបន្តួចជាមធ្យមក្នុងអត្រាប្រមាណ២% ពីព្រោះយើងបានខិតខំពង្រឹងប្រសិទ្ធិភាពនៃការប្រើប្រាស់ប្រាក់រៀល ឲ្យកាន់តែទូលំទូលាយ និង អភិវឌ្ឍន៏ឧបករណ៍នយោបាយរូបិវត្ថុដោយផ្អែកលើទីផ្សារ ដើម្បីឆ្លើយតបនឹងការរីកចំរើននៃសេដ្ឋកិច្ចព្រមទាំងគ្រប់គ្រង ទុនបំរុងអន្តរជាតិរបស់ប្រទេសឲ្យបានកើនឡើងជាលំដាប់ដែលអាចធានា ការនាំចូលបានចំនួន៤ខែប្រកបដោយប្រសិទ្ធភាព។ នេះបើតាមការអៈអាងរបស់លោកជាចាត់ តូ។
គួរបញ្ជាក់ថា វិស័យធនាគារនៅពេលបច្ចុប្បន្នមានភាពរីកចម្រើន និងបានធ្វើឲ្យវិស័យហិរញ្ញវត្ថុដែលគ្រប់ដណ្ដប់លើវិស័យធនាគារ ត្រូវបានចាត់ទុកថា មានតួនាទីយ៉ាងសំខាន់បំផុតក្នុងការរួមចំណែកអភិវឌ្ឍន៍សេដ្ឋកិច្ច។ តែទោះជាធនាគារនៅកម្ពុជាបច្ចុប្បន្ន រីកដូចផ្សិតយ៉ាងណាក៏ដោយក៏ពលរដ្ឋមួយចំនួននៅតែមិនទាន់បានយល់ ដឹងច្បាស់ពីវិស័យធនាគារ ឬសេវានេះកាន់តែច្បាស់នោះទេ។(ដោយៈវណ្ណ វុត្ថា)
Read More >>>
No comments :
Post a Comment