លោក Sam Schweingruber កំពុងប្រមូលដបទឹកសុទ្ធ
រាល់ការប្រកួតម្តងៗគេសង្កេតឃើញថា គ្រូបង្វឹករបស់ភ្នំពេញក្រោន លោក Sam Schweingruber ឧស្សាហ៍ដើរប្រមូល និងរើសដបទឹកសុទ្ធនៅលើទីលានបាល់ទាត់ បន្ទាប់ពីការប្រកួតចប់។ លោកមិនប្រកាន់ខ្លួនថាជាគ្រូបង្វឹកឡើយ ប៉ុន្តែពេលខ្លះគេក៏ឃើញសមាជិកក្លិបរបស់លោកជួយរើសដែរ។សកម្មភាពរបស់លោកគ្រូបង្វឹករូបនេះអាចចាត់ទុកថា ជាគំរូមួយដ៏ល្អសម្រាប់ជនទូទៅ ពិសេសកីឡាករបាល់ទាត់ និងអ្នកពាក់ព័ន្ធគ្រប់គ្នានៅទីលានបាល់ទាត់ឲ្យចេះនាំ គ្នាជួយសំអាតបរិស្ថានទាំងអស់គ្នា។ បើមិនជួយគ្នានោះ សំរាមកាន់តែច្រើន ហើយក្លិនកាន់តែមិនល្អ ប្រសិនបើអ្នកបោសសំអាតប្រមូលមិនទាន់ពេលវេលានោះ។
ធម្មតានៅលើទីលានពេលមានប្រកួតម្តងៗ កីឡាករតែងតែងញុំាទឹកដើម្បីទប់ទល់នឹងការនឿយហត់អស់កម្លាំង ហើយបោះចោលសំបកដបចោលភ្លាមៗនៅក្បែរទីលានដើម្បីប្រញាប់ចូល លេងវិញ។ ពាក្យមួយឃ្លាលើកឡើងថា «បរិស្ថានស្អាតកើតចេញពីខ្ញុំ»ក្នុងន័យអប់រំដល់មនុស្សទូទៅឲ្យចេះ ស្រលាញ់បរិស្ថាន និងការពារបរិស្ថាន។ យ៉ាងណាមិញគ្រូបង្វឹកភ្នំពេញក្រោនសញ្ជាតិស្វីសម្នាក់នេះក៏មិន ខុសពីពាក្យនេះដែរពេលលោកស្ថិតទីលានបាល់ទាត់៕
No comments :
Post a Comment