នៅខណៈពេលពិធីបុណ្យនៃសេចក្តីស្រឡាញ់កាន់តែខិតមកដល់ អាជ្ញាធរជាតិប្រយុទ្ធនឹងជម្ងឺអេដស៍ បានចាប់ផ្តើមយុទ្ធនាការផ្សព្វផ្សាយការយល់ដឹងអំពីការឆ្លង និងការបង្ការការរីករាលដាលនៃជម្ងឺនេះ នៅខាងមុខទីស្នាក់ការកណ្តាលរបស់ខ្លួន តាមបណ្តោយផ្លូវ២៧១ ជាប់ខាងត្បូងមន្ទីរពេទ្យព្រះកុសុមៈ (ពេទ្យលោកសង្ឃ) នៅព្រឹកថ្ងៃទី១២ ខែកុម្ភៈ ឆ្នាំ២០១៤ ។
លោកស្រី ស៊ូ សូភី អនុប្រធាននាយកដ្ឋានផែនការ ត្រួតពិនិត្យ និងវាយតម្លៃនៃអាជ្ញាធរអេដស៍ បានមានប្រសាសន៍បញ្ជាក់ប្រាប់អំពីគោលបំណងនៃកម្មវិធីផ្សព្វ ផ្សាយនេះថា អាជ្ញាធរ ចង់បញ្ជ្រាបការយល់ដឹងអំពីការឆ្លង និងការរីករាលរបស់ជម្ងឺអេដស៍ ដល់ប្រជាជនកម្ពុជា ជាពិសេសដល់ក្រុមយុវជន សិស្ស និស្សិត នៅក្នុង ឱកាសថ្ងៃបុណ្យនៃសេចក្តីស្រឡាញ់ (ថ្ងៃបុណ្យសង្សា) ក្នុងបំណងបញ្ចៀសការឆ្លងនៃជម្ងឺនេះ ។
កម្មវិធីផ្សព្វផ្សាយ ត្រូវបានគេមើលឃើញថា មានការទាក់ទាញចំណាប់អារម្មណ៍របស់ប្រជាពលរដ្ឋកម្ពុជា យុវជន សិស្ស និស្សិត ដែលជាអ្នកធ្វើដំណើរតាមដងផ្លូវ តាមរយៈសម្លេងឃោសនាតាមឧបករណ៍បំពងសម្លេង ការពាក់អាវយឺតដែលសរសេរពាក្យប្រឆាំងនឹងជម្ងឺអេដស៍ ការដាក់បង្ហាញស្រោមអនាម័យ ផ្លិត និងក្រដាសពណ៌ខៀវ ដែលមានសរសេរអក្សរពន្យល់ពីការបង្ការ និងទប់ស្កាត់ការរាលនៃជម្ងឺអេដស៍ ។
កម្មវិធីផ្សព្វផ្សាយ ត្រូវបានគេមើលឃើញថា មានការទាក់ទាញចំណាប់អារម្មណ៍របស់ប្រជាពលរដ្ឋកម្ពុជា យុវជន សិស្ស និស្សិត ដែលជាអ្នកធ្វើដំណើរតាមដងផ្លូវ តាមរយៈសម្លេងឃោសនាតាមឧបករណ៍បំពងសម្លេង ការពាក់អាវយឺតដែលសរសេរពាក្យប្រឆាំងនឹងជម្ងឺអេដស៍ ការដាក់បង្ហាញស្រោមអនាម័យ ផ្លិត និងក្រដាសពណ៌ខៀវ ដែលមានសរសេរអក្សរពន្យល់ពីការបង្ការ និងទប់ស្កាត់ការរាលនៃជម្ងឺអេដស៍ ។
នៅខាងមុខទីស្នាក់ការអាជ្ញាធរ ប៉ែកខាងលើ គេសង្កេតឃើញ មានបដាបីផ្ទាំង ដែលចងលាតសន្ធឺងតាមបណ្តោយផ្លូវ២៧១ និងផ្លូវអមសង្វាងអាជ្ញាធរ ដែលមាន ខ្លឹមសារស្តីពីការប្តេជ្ញាចិត្តប្រយុទ្ធប្រឆាំងនឹងជម្ងឺអេដស័ និងការអនុវត្តន៍អោយបានសម្រេចនូវគោលដៅ ០ បី ដែលដាក់ចេញដោយរាជរដ្ឋាភិបាលកម្ពុជា និងអង្គការសហប្រជាជាតិ ដែលថា៖ គ្មានការឆ្លង គ្មានការរើសអើង និងគ្មានការស្លាប់ ដោយសារអេដស៍ ចាប់ពីឆ្នាំ២០២០ទៅ ។
ក្រៅពីការធ្វើអត្ថាធិប្បាយតាមប្រព័ន្ធឧឃោសនស័ព្ទ ដោយមន្ត្រីជំនាញរបស់អាជ្ញាធរទៅកាន់អ្នកធ្វើដំណើរតាមដងផ្លូវ, សម្លេងតន្ត្រីញាក់កន្ត្រាក់អារម្មណ៍បែបយុវវ័យ បានលាន់លឺ កងរំពង គួរអោយចង់ស្តាប់ ។ ព្រមជាមួយគ្នានេះ ក្រុមយុវតីដ៏ស្រស់ស្អាត ស្ថិតក្នងុឯកសណ្ឋានរបស់អាជ្ញាធរជាតិប្រយុទ្ធនឹងជម្ងឺអេដស៍ បាននាំគ្នាចែកព័ត៌មានស្តីអំពីការប្រឆាំងនឹងជម្ងឺនេះទៅកាន់អ្នកធ្វើដំណើរឆ្លងកាត់ ហើយបានណែនាំអោយអ្នកទាំងនោះចូលសាក សួរសំណួរទៅកាន់អ្នកគ្រប់គ្រងកម្មវិធី អំពីជម្ងឺអេដស៍ ដែលពួកគេម្នាក់ៗនឹងទទូលបាននូវអាវយឺត ស្រោមអនាម័យ និងរង្វាន់ផ្សេងៗទៀត ។
លោក ញ៉ែម ចន្ថា វ័យ៧៥ឆ្នាំ ជាអ្នករត់ម៉ូតូឌុប គឺជាមនុស្សម្នាក់ក្នុងចំណោមមនុស្សរាប់រយនាក់ដែលមានចំណាប់អារម្មណ៍ចូលមកសួរសំណួរអំពីជម្ងឺអេដស៍ ។ លោកបានមានប្រសាសន៍ថា លោកមានការសប្បាយចិត្តជាខ្លាំងនៅពេលលោកបានឃើញវិធីផ្សព្វផ្សាយរបស់អាជ្ញាធរ នៅចំពេលដែលថ្ងៃបុណ្យសង្សារចូល មកដល់ ។ លោកបានប្រសាសន៍ទៀតថា លោកនឹងប្រាប់រឿងនេះ ទៅកូនប្រុស កូនស្រីរបស់លោក ដែលពួកគេកំពុងស្ថិតក្នុងភាពជាយុវវ័យ ។ លោក ញ៉ែម ចន្ថា មកពីស្រុកកៀនស្វាយ ខេត្តកណ្តាល ។
លោក ញ៉ែម ចន្ថា វ័យ៧៥ឆ្នាំ ជាអ្នករត់ម៉ូតូឌុប គឺជាមនុស្សម្នាក់ក្នុងចំណោមមនុស្សរាប់រយនាក់ដែលមានចំណាប់អារម្មណ៍ចូលមកសួរសំណួរអំពីជម្ងឺអេដស៍ ។ លោកបានមានប្រសាសន៍ថា លោកមានការសប្បាយចិត្តជាខ្លាំងនៅពេលលោកបានឃើញវិធីផ្សព្វផ្សាយរបស់អាជ្ញាធរ នៅចំពេលដែលថ្ងៃបុណ្យសង្សារចូល មកដល់ ។ លោកបានប្រសាសន៍ទៀតថា លោកនឹងប្រាប់រឿងនេះ ទៅកូនប្រុស កូនស្រីរបស់លោក ដែលពួកគេកំពុងស្ថិតក្នុងភាពជាយុវវ័យ ។ លោក ញ៉ែម ចន្ថា មកពីស្រុកកៀនស្វាយ ខេត្តកណ្តាល ។
«ខ្ញុំចង់អោយកូនចៅខ្ញុំយល់អំពីរឿងអេដស៍នេះអោយច្បាស់ ព្រោះសម័យឥឡូវ ក្មេងៗមានសិទ្ធិសេរីភាពច្រើន ហេតុនេះ ពួកគេត្រូវតែយល់ដឹងអំពីផលប៉ះពាល់ នៃជម្ងឺអេដស៍ ហើយត្រូវចេះគេចអោយផុតពីការឆ្លងមេរោគអេដស៍» នេះជាប្រសាសន៍របស់លោកញ៉ែម ចន្ថា ដោយដៃទាំងគូរបស់លោកលើកបង្ហាញអាវយឺត និងស្រោមអនាម័យ ។
គួររំលឹកថា អាជ្ញាធរជាតិប្រយុទ្ធនឹងជម្ងឺអេដស៍ តែងតែរៀបចំកម្មវិធីផ្សព្វផ្សាយការយល់ដឹងអំពីជម្ងឺអេដស៍ជារឿយៗ នៅស្ទើរគ្រប់ទីកន្លែង និងគ្រប់ពិធីបុណ្យធំៗ ដូចជាពិធីបុណ្យអុំទូក ជាដើម ។
យោងតាមតួលេខរបស់អាជ្ញាធរជាតិប្រយុទ្ធនឹងជម្ងឺអេដស៍ បានអោយដឹងថា អត្រាឆ្លងនៃជម្ងឺនេះ ក្នងចំណោមពលរដ្ឋកម្ពុជា នៅចន្លោះអាយុ១៥ ដល់៤៩ឆ្នាំ បានធ្លាក់ចុះមកនៅត្រឹម ០,៧% នៅឆ្នាំ២០១៣ ពី០.៨% នៅឆ្នាំ២០១១ និងពី២% នៅឆ្នាំ២០០៨ ៕
No comments :
Post a Comment