លោក គង់ គឹមនី អភិបាលនៃគណៈ អភិបាលស្រុកស្នួល បានឱ្យដឹងថា ពេលនេះខ្ញុំកំពុងមានវត្ដមាននៅកន្លែងដែល ប្រជាពលរដ្ឋនាំគ្នាបិទផ្លូវ ខណៈក្រុម សមត្ថកិច្ចចម្រុះដឹកនាំដោយតំណាង អយ្យការចុះអនុវត្ដន៍ដីកា ពាក់ព័ន្ធទៅ នឹងការកាប់ទន្ទ្រានព្រៃដោយខុសច្បាប់ ហើយខាងរដ្ឋបាលព្រៃឈើបានហាមឃាត់ នោះ ប៉ុន្ដែពួកគាត់បាននាំគ្នាមកឈរបិទ ផ្លូវជាតិលេខ៧ ត្រង់ចំណុចគីឡូម៉ែត្រលេខ ១២៩ ។
លោក គង់ គឹមនី បន្ដថា ពេលនេះទាំងសមត្ថកិច្ច និងអាជ្ញាធរកំពុងតែធ្វើ ការសម្របសម្រួលដោះស្រាយជាមួយ ប្រជាពលរដ្ឋ ដើម្បីបើកចរាចរណ៍អ្នក ដំណើរឆ្លងកាត់ ហើយក៏មិនមានអំពើហិង្សាណាមួយកើតឡើងចំពោះការតវ៉ាបិទផ្លូវរបស់ ប្រជាពលរដ្ឋ ។
ដោយឡែក លោក សរ ចំរុង អភិបាល នៃគណៈអភិបាលខេត្ដក្រចេះ បានមានប្រសាសន៍តាមទូរស័ព្ទឱ្យដឹងថា បើតាម ខ្ញុំដឹង រដ្ឋបាលព្រៃឈើបញ្ជាក់ថា ប្រជា ពលរដ្ឋភាគច្រើនដែលមិនមែនជាអ្នក រស់នៅទីនោះមកពីខេត្ដផ្សេងៗ បាននាំគ្នា កាប់ឆ្ការព្រៃធ្វើជាផ្ទះ ប៉ះពាល់ទៅនឹងដី សហគមន៍ ហើយសមត្ថកិច្ចក៏បានចុះ អនុវត្ដន៍ដីកា ទើបពួកគាត់នាំគ្នាមកឡើងលើផ្លូវឈរកកកុញ ហើយក៏មិនមែនជា ការបិទចរាចរណ៍នោះដែរ ។
លោកអភិបាលបញ្ជាក់ថា ការកាប់ឆ្ការព្រៃគឺជារឿងខុសច្បាប់ ពីព្រោះមិន មែនជាដីព្រៃសម្បទានសង្គមកិច្ចដែល រដ្ឋបាលព្រៃឈើ ក៏ដូចជារាជរដ្ឋាភិបាល ផ្ដល់ជូនស្របច្បាប់នោះឡើយ ។ ដូច្នេះ ខ្ញុំ កំពុងចាត់ចែងឱ្យអភិបាលស្រុកស្នួលផ្ទាល់ ចុះធ្វើការរឿងនេះ ។
គួរ រំលឹកថា ពីរថ្ងៃមុននេះ ប្រជាពលរដ្ឋ ជិត១០០នាក់បាននាំគ្នាតវ៉ាបិទផ្លូវជាតិលេខ៧៦Aផងដែរ នៅចំណុចមុខសាលាឃុំស្នួល ស្រុកស្នួល អស់រយៈពេលជិត២ម៉ោង ទាមទារឱ្យអាជ្ញាធរ និងមន្ដ្រីជំនាញភូមិបាល ចេញប័ណ្ណកម្មសិទ្ធិស្របច្បាប់ឱ្យពួកគាត់ ខណៈការចុះវាស់វែងរបស់យុវជនស្ម័គ្រ ចិត្ដសម្ដេចតេជោធ្វើការងារនេះរួចរាល់ អស់រយៈពេលជាច្រើនខែមកហើយ ប៉ុន្ដែប្រជាពលរដ្ឋអះអាងថា អាជ្ញាធរយឺតយ៉ាវ និងខ្វះការទទួលខុសត្រូវ ។ ផ្ទុយទៅវិញ ករណីនេះ អាជ្ញាធរបានបញ្ជាក់ថា ការយឺតយ៉ាវក្នុងការចេញប្លង់កម្មសិទ្ធិជូនប្រជាពលរដ្ឋ ដោយសារមានបញ្ហាដីទាំងនោះ ប៉ះពាល់ជាមួយនឹងដីព្រៃសម្បទានសេដ្ឋកិច្ចក្រុមហ៊ុនហ៊ឺរីស្សិន ៕
សូមចុចត្រង់នេះសម្រាប់ព័ត៌មានលម្អិត
No comments :
Post a Comment