ក្នុងខែ មករានេះ ក្រុមបាល់ទាត់ជម្រើសជាតិកម្ពុជា នៅតែគ្រងចំណាត់ថ្នាក់លេខ១៨៩ដដែល ក្នុងតារាងចំណាត់ថ្នាក់ពិភពលោក ដែលដាក់ពិន្ទុដោយសហព័ន្ធបាល់ទាត់ពិភពលោក FIFA ខណៈ៥ប្រទេសផ្សេងទៀតក្នុងតំបន់នៅថេរដូចគ្នា ហើយ៥ប្រទេសទៀតមានការប្រែប្រួលតែ១ទៅ២លេខប៉ុណ្ណោះ។
ចំណាត់ថ្នាក់ក្រុមជម្រើសជាតិកម្ពុជាប្រចាំខែមករា
FIFA World Ranking សម្រាប់ខែនេះបង្ហាញឲ្យឃើញថា កម្ពុជានៅតែឈរនៅលំដាប់ទី៩ដដែលក្នុងតំបន់អាស៊ាន នៅលើប្រទេស២គឺ ប៊្រុយណេ និងទីម័រខាងកើត។ លេខរៀងរបស់ជម្រើសជាតិ ហ្វីលីពីន (១២៧) ម៉ាឡេស៊ី (១៥៤) ឥណ្ឌូណេស៊ី (១៦១) ប៊្រុយណេ (១៩០) ទីម័រខាងកើត (១៩០) សុទ្ធតែនៅទ្រឹងដូច កម្ពុជា ដែរ ខណៈ មីយ៉ាន់ម៉ា (១២៩) វៀតណាម (១៤៣) និងសិង្ហបុរី (១៤៩) ឡើងមួយកាំដូចគ្នា ចំណែក ឡាវ (១៥៣) ធ្លាក់មួយលេខ ហើយ ថៃ (១៤៨) ធ្លាក់២លេខ។
ក្រុមនៅកំពូលតារាងចំណាត់ថ្នាក់
គេសង្កេតឃើញថា ក្នុងខែមករានេះក្រុមជម្រើសជាតិភាគច្រើនមិនមានការប្រែប្រួល ចំណាត់ថ្នាក់នោះទេ ជាក់ស្ដែងតំណែងពីលេខ១ដល់លេខ២៥ សុទ្ធតែនៅថេរទាំងអស់។ តំណែងលេខ១លើពិភពលោកនៅតែជា គោជល់អេស្ប៉ាញ ដដែល ស្របពេលប្រទេស ប៊ូតាន់ សាន់ម៉ារីណូ និងកោះ Turks and Caicos គ្រងចំណាត់ថ្នាក់លេខ២០៧ស្ទួន នៅបាតតារាងទាំងអស់គ្នា៕
No comments :
Post a Comment