អតីតខ្សែប្រយុទ្ធក្លិប Atletico Madrid, Barcelona, Liverpool និងក្រុមជម្រើសជាតិអេស្ប៉ាញ Luis García បានប្រកាសលាឈប់ពីបាល់ទាត់ក្នុងវ័យ៣៥ឆ្នាំក្រោយធ្វើជាកីឡាករ បាល់ទាត់អាជីពអស់រយៈពេល១៧ឆ្នាំ។
អតីតយុវជនរបស់ក្លិប Barcelona និយាយនៅលើគេហទំព័រផ្ទាល់ខ្លួនថា៖ “ថ្ងៃនេះខ្ញុំបានសម្រេចចិត្តចូលនិវត្តន៍ពីកីឡាករបាល់ទាត់អាជីព។ ខ្ញុំសូមអរគុណចំពោះការចាប់អារម្មណ៍ពីសំណាក់ក្រុមមួយចំនួនដែល បានទាក់ទងខ្ញុំថ្មីៗនេះ។ ប៉ុន្តែខ្ញុំយល់ថាដល់ពេលដែលខ្ញុំត្រូវបញ្ចប់ជំពូកដ៏សំខាន់ ក្នុងជីវិតខ្ញុំហើយឈានទៅកាន់ទំព័របន្ទាប់”។ កីឡាករដែលរួមចំណែកជួយឱ្យ Liverpool ឈ្នះជើងឯក UEFA Champions League ឆ្នាំ២០០៥ និង FA Cup ឆ្នាំ២០០៦ បន្ថែមថា៖ “ខ្ញុំនឹងដឹងគុណជារៀងរហូតចំពោះមនុស្សគ្រប់គ្នាដែលបាននៅជាមួយ ខ្ញុំ ជួយខ្ញុំនិងគាំទ្រខ្ញុំគ្រប់កាលៈទេសៈក្នុងអាជីពរយៈពេល១៧ឆ្នាំ របស់ខ្ញុំ”។
ក្រោយពេលផ្លាស់ពី Barcelona ទៅលេងឱ្យ Liverpool ពីឆ្នាំ២០០៤ដល់២០០៧ García ត្រលប់ទៅអេស្ប៉ាញវិញដោយចូលរួម Atletico Madrid ពីឆ្នាំ២០០៧ដល់២០០៩រួចក៏ផ្លាស់ទៅលេងឱ្យ Racing Santander ក្នុងរដូវកាល២០០៩-១០។ បន្ទាប់មក អតីតសមាជិកក្រុមជម្រើសជាតិអេស្ប៉ាញចន្លោះឆ្នាំ២០០៥ដល់២០០៨រូប នេះប្ដូរទៅប្រឡូកអាជីពនៅលីកកំពូលក្រិកជាមួយក្រុម Panathinaikos មុនពេលចំណាយពេលចុងក្រោយនៃអាជីពនៅម៉ិកស៊ីកូជាមួយក្រុម Puebla និង Pumas UNAM៕
No comments :
Post a Comment