ខណៈពេលដែលក្រុមចម្រៀងជាច្រើនបានត្រលប់មកវិញ នាដើមឆ្នាំ ២០១៤នេះ អ្វីដែលគេចាប់អារម្មណ៍ខ្លាំងក្នុងចំណោមពួកគេ គឺថាភាគច្រើននៃពួកគេប្រើរូបភាពសិចស៊ីដើម្បីជាការទាក់ទាញ។
ក្រុមចម្រៀងនារីទីមួយដែលចេញបទចម្រៀងថ្មីមុនគេ គឺក្រុម Gir’s Day។ ពួកគេបានចេញមីនីអាល់ប៊ុមថ្មី “Everyday3” របស់ពួកគេដែលមានបទចម្រៀង “Something” ជាបទសំខាន់ ដែលលើកនេះពួកគេត្រលប់មកវិញជាមួយរូបភាពកាន់តែសិចស៊ីជាងបទចម្រៀងមុនៗ តាំងពីសំលៀកបំពាក់ និងក្បាច់រាំ សុទ្ធតែមានលក្ខណៈបញ្ចេញច្រើន និងមានភាពស្រើបស្រាល។
ក្រុមចម្រៀងនារីមួយទៀត គឺក្រុម Dal Shabet ដែលបានចេញបទចម្រៀងថ្មី “B.B.B” ដំណាលគ្នានឹងក្រុម Girl’s Day ដែរ។
គ្រាន់តែរូបភាពក្នុងអាងងូតទឹក ដែលជារូបភាពផ្សព្វផ្សាយមុននឹងអាល់ប៊ុមរបស់ពួកគេចេញលក់ ក៏មានលក្ខណៈក្ដៅសាច់ទៅហើយ។
គ្រាន់តែរូបភាពក្នុងអាងងូតទឹក ដែលជារូបភាពផ្សព្វផ្សាយមុននឹងអាល់ប៊ុមរបស់ពួកគេចេញលក់ ក៏មានលក្ខណៈក្ដៅសាច់ទៅហើយ។
ខាងផលិតកម្មរបស់ក្រុម Girl’s Day បានពន្យល់ថា “ពួកយើងចង់បង្ហាញពីលក្ខណៈពិសេសរបស់ស្រ្តី” ខណៈពេលដែលខាងផលិតកម្មរបស់ក្រុម Dal Shabet បានបញ្ជាក់ថា “យើងចង់បង្ហាញពីស្ទីលសម្ដែងថ្មីៗ ដោយសារឥលូវនេះ សមាជិកក្រុមទាំងអស់មានអាយុលើសពីម្ភៃឆ្នាំអស់ហើយ”។
បន្ទាប់ពីក្រុមចម្រៀងទាំងពីរនេះ ក្រុមចម្រៀងនារីពីរក្រុមទៀតក៏កំពុងត្រៀមខ្លួនត្រលប់មកវិញ ក្នុងរូបភាពសិចស៊ីផងដែរ។ ក្រុមចម្រៀង AOA ដែលទើបតែចេញបទចម្រៀងថ្មីរបស់ពួកគេ ដែលមានចំណងជើង “Miniskirt” បានបង្ហោះវីដេអូផ្សព្វផ្សាយអាល់ប៊ុមថ្មីរបស់ពួកគេដែលមានរូបភាពសមាជិករបស់ពួកគេងូតទឹក និងពាក់តែអាវទ្រនាប់ជាដើម។
ក្រុមចម្រៀងមួយទៀតគឺ ក្រុម Rainbow Blaxx ដែលជាក្រុមតូចរបស់ក្រុម Rainbow ដោយរូបភាពផ្សព្វផ្សាយរបស់ពួកគេហាក់មិនសមរម្យសម្រាប់អ្នកគាំទ្រដែលមានអាយុក្រោម ១៩ឆ្នាំឡើយ។ តំណាងផលិតកម្មរបស់ពួកគេបញ្ជាក់ថា “ក្រុម Rainbow ធ្លាប់បង្ហាញស្ទីលគ្រប់អស់ហើយតាំងពីសុភាព រស់រវើក និង Cute។ លើកនេះ ពួកគេនឹងបង្ហាញអ្វីមួយដែលពួកគេមិនធ្លាប់បានបង្ហាញពីមុនមក”។
ក្រៅពីក្រុមចម្រៀងនារី ទាំងនេះ តារាចម្រៀងហ៊ីបហប Gary របស់ក្រុម Lessang ក៏ទើបតែចេញវីដេអូចម្រៀងថ្មី “Shower Later” របស់គេដែលមានរូបភាពស្រើបស្រាលជាច្រើនផងដែរ។
អ្នកតំណាងក្រុមហ៊ុន Sony Music លោក Lee Se-hwan បាននិយាយថា “ការអភិវឌ្ឍន៍នៃប្រព័ន្ធផ្សព្វផ្សាយ ដូចជា Youtube គឺកំពុងតែជំរុញការផ្លាស់ប្ដូរពីការស្ដាប់បទចម្រៀងសម្រាប់ស្ដាប់ ទៅជាបទចម្រៀងសម្រាប់មើលវិញ។ ករណីបង្ហាញភាពស្រើបស្រាលមានកាន់តែច្រើនក្នុងវិស័យចម្រៀងប៉ុបអាមេរិក។ ឧទាហរណ៍ តារាចម្រៀង Miley Cyrus ដែលហ៊ានស្រាតដាក់វីដេអូចម្រៀងរបស់នាង ហើយសូម្បីតែវីដេអូចម្រៀងថ្មីរបស់ Beyonce ទាំង ១៧បទនោះ មាន ៩បទទៅហើយ ដែលផលិតឡើងសម្រាប់តែមនុស្សពេញវ័យ”។
ការខ្វល់ខ្វាយពីចំនួនអ្នកចូលទស្សនាលើ Youtube ដែលជាកំណត់ត្រាមួយនៅក្នុងតារាង Billboard គឺកំពុងតែជំរុញឲ្យមានរូបភាពសិចស៊ីកាន់តែច្រើន។ លោក Lee បាននិយាយទៀតថា “រូបភាពសិចស៊ីគឺជាវិធីល្អបំផុតដែលអាចទាក់ទាញចំណាប់អារម្មណ៍អ្នកចូលទស្សនាបានច្រើន ជាពិសេសអ្នកគាំទ្រប្រុសៗ គឺពួកគេចូលចិត្តមើលបំផុតនូវរូបភាពបែបនេះ”។
ទន្ទឹមនឹងនេះក៏មានអ្នកដែលកំពុងតែបារម្ភអំពីការប្រកួតប្រជែងក្នុងរូបភាពសិចស៊ីហួសហេតុនេះផងដែរ។ អ្នកវិភាគវប្បធម៌ចម្រៀងប៉ុប លោក Ha Jae-gun បាននិយាយថា “ជាច្រើនដង ក្រុមចម្រៀងនារីអាចរកចំណូលបានច្រើនពីការថត និងសម្ដែងផ្សេងៗ ច្រើនជាងចំណូលពីការលក់អាល់ប៊ុម ដែលមានន័យថា ជាជាងការខ្វាយខ្វល់ពីគុណភាពនៃបទចម្រៀង ពួកគេធ្វើអ្វីដើម្បីបានចំណូលច្រើនតែប៉ុណ្ណោះ។ ជាការពិត ដែលរូបភាពសិចស៊ី អាចធ្វើឲ្យក្រុមចម្រៀងនារីមិនសូវល្បី អាចក្លាយជាក្រុមល្បីដល់កំពូលបាន។ ក៏ប៉ុន្តែ ស្របពេលដែលគ្រប់គ្នាយល់ឃើញបែបនេះ សាធារណជនចាប់ផ្ដើមមើលឃើញតារាចម្រៀងជានិមិត្តរូបសិច មិនមែនជាសិល្បករឡើយ។ បែបនេះអាចនាំឲ្យប៉ះពាល់ខ្លាំង ដល់វិស័យចម្រៀងទាំងមូល ហើយក៏មានផលអាក្រក់សម្រាប់ក្មេងៗដែលគាំទ្រតារាទាំងនោះផងដែរ”៕
ចុះប្រិយមិត្តចូលចិត្តភាពសិចស៊ីបែបនេះ ឬទេពកោសល្យពីធម្មជាតិជាង?
No comments :
Post a Comment