ប្រភពព័ត៌មានធំៗនៅប្រទេសអង់គ្លេសចុះ ផ្សាយថាក្រុមតោខៀវ Chelsea យល់ព្រមលក់ Juan Mata ឱ្យក្រុមបិសាចក្រហម Manchester United ហើយក្នុងតម្លៃប្រហែល៣៧លានផោន ឬ ៦១លានដុល្លារអាមេរិក។
ខ្សែបម្រើប្រយុទ្ធជម្រើសជាតិអេស្ប៉ាញ វ័យ២៥ឆ្នាំនឹងទទួលការធ្វើតេស្តពិនិត្យសុខភាពនៅថ្ងៃព្រហស្បតិ៍ នេះមុនពេលពាក់អាវក្រុមបិសាចក្រហមជាផ្លូវការ។ គេរំពឹងថាអតីតយុវជនរបស់ Real Madrid ដែល Chelsea ទិញពី Valencia ក្នុងតម្លៃ២៣,៥លានផោន(៣៩លានដុល្លារអាមេរិក)កាលពីឆ្នាំ២០១១នឹង ចុះកិច្ចសន្យា៤ឆ្នាំកន្លះនៅ Old Trafford។
ជយលាភីកីឡាករល្អបំផុតរបស់ Chelsea ពីររដូវកាលជាប់គ្នារូបនេះបានពោលពាក្យលារួចហើយទៅកាន់មិត្ត រួមក្រុមនិងក្រុមគ្រូបង្វឹកនៅទីលានហ្វឹកហាត់ Cobham ម្សិលមិញ។ យ៉ាងណាក្ដី ក្រុមបិសាចក្រហមនៅបន្តលាក់បាំងដំណើរការណ៍ផ្ទេរនេះនៅឡើយ ដោយលោក David Moyes បដិសេធមិនឆ្លើយនឹងសំណួររបស់អ្នកសារព័ត៌មានអំពី Mata ឡើយបន្ទាប់ពី Man Utd ធ្លាក់ពីពានរង្វាន់ Capital One Cup ក្រោមថ្វីជើង Sunderland យប់មិញ។
Read More >>>
No comments :
Post a Comment