Honda ប្រកាស​ចេញ​រថយន្ត​ប្រើ​​បន្ទះ Solar យ៉ាង​ពិសេស

ការ​ទាញ​ថាមពល​ពី​ពន្លឺ​ព្រះអាទិត្យយក​មក​ប្រើប្រាស់​ក្នុង​ជីវភាព​រស់​ នៅ ​ពិត​ជា​មាន​សារប្រយោជន៍​ខ្លាំង​ណាស់ មិន​ថា​អាច​កាត់​បន្ថយ​ខ្ទង់​ចំណាយ ឬ​​ចូល​រួម​ថែរក្សា​​បរិស្ថាននោះ​ទេ។ ថ្ងៃ​នេះ ក្រុមហ៊ុន Honda បាន​ប្រកាស​រថយន្ត​ដ៏​ពិសេស​បំពាក់​បន្ទះ Solar ដើម្បី​ស្រូប​យក​ថាមពល​ពន្លឺ​ព្រះអាទិត្យ​មក​ផ្គត់ផ្គង់​ដំណើរការ​បាន​យ៉ាង​ ប្រសើរ។
អត្ថបទ៖ Honda ​ចេញ​គំនិត​ផលិត​ពោង​សុវត្ថិភាព​​សម្រាប់​ទូរសព្ទ(វីដេអូ)

រថយន្ត​ស៊េរី EV ម៉ូដែល HEH55 ត្រូវ​បាន​ឌីហ្សាញ​ជា​ប្រភេទ​រថយន្ត​រួម​ចំណែក​ថែរក្សា​លំនឹង​ធម្មជាតិ មាន​តម្លៃ​ធូរ​ថ្លៃ។ ក្រុមហ៊ុន​រថយន្ត​ធំ​ជាង​គេ​លើ​លោក​របស់​ជប៉ុន​នេះ បាន​ឌីហ្សាញ​បំពាក់​ដោយ​បន្ទះ Solar នៅ​លើ​ដំបូល សម្រាប់​ផ្ទុក និង​ផ្គត់ផ្គង់​ដល់​រថយន្ត។ រថយន្ត​ថ្មី​នេះ​នឹង​ជួយ​កាត់​បន្ថយ​ខ្ទង់​ចំណាយ​បាន​មួយ​កម្រិត បើ​ធៀប​នឹង​រថយន្ត​ប្រើ​សាំង និង​ហ្គាស​ទូទៅ។
EV HEH55 នឹង​សំញែង​ខ្លួន​ក្នុង​ពិព័រណ៍​បច្ចេកវិទ្យា​រថយន្ត​អគ្គិសនី​អន្តរជាតិ (International Automotive Electronics Technology) ដែល​ប្រារព្ធ​ធ្វើ​នៅ​ចុង​ខែ​មករា​នេះ​ហើយ៕